काठमाडौँ / कवि रुद्र अधिकारीको चौथो मुक्तक संग्रह ‘निचोरिएको जिन्दगी’ हालै सार्वजनिक गरिएको छ ।

लीलाध्वज साहित्य प्रतिष्ठानको आयोजनामा चिल्ड्रेन हेराल्ड एकेडेमी बालुवाटारमा स्रष्टा सम्मान, रचना वाचन तथा पुस्तक लोकार्पण कार्यक्रम सम्पन्न गरियो ।

संस्कृतिविद् तथा वरिष्ठ कवि तुलसी दिवसले एक समारोहका बीच अधिकारीको मुक्तकसंग्रह विमोचन गर्नुभएको हो ।

सोही समारोहमा वरिष्ठ आख्यानकार पद्मावती सिंहलाई सम्मानसमेत गरियो ।

जलेश्वरी श्रेष्ठ, डा. रेणुका सोलु, रामप्रसाद पन्त, ठाकुरप्रसाद शर्मा, गोविन्द घिमिरे वेदमणि, प्रकाश घायल, सुरेश बैद्य, रवीन्द्र आशीष शैली, भुवन सिवाकोटी चौघरे, राधाकार्की दुलाल, शान्ति शर्मा, इन्दु पन्त, कुमार नेपाल, बासुदेव गुरागाई, मुकुन्द न्यौपाने, विमला अधिकारी देवकोटा, विमला दाहाल, एन बि जनकपुरे, गुप्तबहादुर श्रेष्ठ, धरणीधर गुरागाई लगायत अन्य कविहरूले सो अवसरमा आ-आफ्ना रचना वाचन गर्नुभएको थियो ।