साहित्यपोस्ट
नेपाली भाषा र साहित्यको सम्पूर्ण पत्रिका

अनेसासको अध्यक्षमा गोवर्द्धन पूजाको उम्मेद्वारी

Chovar Blues Mobile Size
गोवर्द्धन पूजा (अमेरिका)

अन्तर्राष्ट्रिय नेपाली साहित्य समाजको केन्द्रीय समितिको निर्वाचनका लागि साहित्यकार गोवर्द्धन पूजाले अध्यक्षको पदमा उम्मेद्वारी दर्ता गराएका छन् । अनेसासका निवर्तमान वरिष्ठ उपाध्यक्ष पूजाले आसन्न निर्वाचनका लागि अध्यक्ष पदका लागि उमेद्वारी घोषणा गरेका हुन् ।

विगत १२ वर्षदेखि अमेरिकाको बोस्टनलाई आफ्नो कर्मथलो बनाएका पूजाले यसअघि दुई कार्यकाल महासचिवको सफल कार्यकाल पूरा गरिसकेका छन् । विशेषतः कविताका क्षेत्रमा चर्चित पूजाका ‘पीडा अवतार’, ‘अनामनगरकी अम्बिका’, ‘प्रेम अवतार’, ‘वाचाल ओठहरू’लगायतका कविताकृतिसहित एक दर्जन साहित्यिक कृति प्रकाशित छन् ।

नेपालमा छँदै नेपाल सरकारले ४० वर्षभन्दा मुनिका युवालाई दिने मोति पुरस्कारबाट सम्मानित भइसकेका पूजाले नारायणी वाङ्मय पुरस्कार, भानुमोति पुरस्कार, भानुभक्त लेखन पुरस्कार, भानुभक्त द्वशवार्षिकी स्वर्ण पदक, नेपाल प्रज्ञाप्रतिष्ठाको कविता महोत्सवमा पुरस्कृतलगायत दुई दर्जन साहित्यिक पुरस्कार र सम्मानबाट सम्मानित भइसकेका छन् ।

गजलमञ्चको संस्थापक अध्यक्ष, हिमालयन लायन्स क्लव बोस्टनको अध्यक्षसमेत रहेका पूजाले सांगठानिक क्षेत्रमा समेत कुशल नेतृत्वकर्ताका रूपमा परिचय बनाएका छन् ।

नेपालमा रहँदा अन्नपूर्ण पोस्ट दैनिकमा वरिष्ठ उपसम्पादक, मैत्री एफएमको कार्यक्रम प्रस्तोता र विभिन्न कलेजमा नेपाली साहित्यको प्राध्यापन गराएर लामो अनुभव बटुलेका पूजाले भूगोल र नेपाली साहित्य गरी दुई विषयमा मास्टर्स गरेका छन् ।

sagarmani mobile size

अनेसासमा सक्रिए भएका कारण यो सातामात्र अनेसास कोरिया च्याप्टरबाट सक्रियता पुरस्कार र नइ रजतमहोत्सव पदकसमेत प्राप्त गरेका पूजाले अनेसासलाई ‘अनेसास” नै बनाउने उदेश्यका साथ सबैलाई समेटेर आफूले दुई वर्षका लागि नेतृत्व लिन तयार भएको बताएका छन् ।

जुलाईको ९ र १० का दिन विद्युतीय माध्यमबाट हुने निर्वाचन अनेसासका २३८१ मतदाताले मतदान गर्ने छन् ।

गोवर्द्धन पूजाको प्रतिवद्धता यस्ता छन्ः

१. आजीवन सदस्यलाई आजीवन सदस्यताको परिचय पत्र र अनेसासको पिन समर्पण गरिनेछ ।

२. साहित्यिक अनलाइन पत्रिका अनेसास दर्पणको प्रकाशन गरेर अनेसासका गतिविधि र साहित्यक रचनाको नियमित प्रकाशन गरिनेछ ।

३. अनेसास केन्द्रीय कार्यसमितिको मासिक बैठकलाई अनलाइनमार्फत प्रत्यक्ष प्रशारण गरिने छ ।

४. अनेसास भवन खरिदका लागि रकम संकलन समूह गठन गरी भवन खरिद र व्यवस्थापनको लागि काम गरिने छ।

५. अनेसासका अजीवन सदस्यहरूको कृतिलाई सम्पर्क सचिवालयमार्फत वितरणको व्यवस्था गरिनेछ ।

६. अनलाइन साहित्यक प्रशिक्षणको व्यवस्था गरी साहित्य लेखन प्रशिक्षणमार्फत स्तरीय साहित्यिक लेखनका लागि अभियान चलाइने छ ।

७. क्षेत्रीय समिति गठन गरी भूगोलका कुनाकुनासम्म अनेसासको गतिविधिलाई विस्तार गरिने छ ।

८. नेपाली साहित्यलाई विश्व साहित्यमाझ परिचित गराउन अनुवाद र प्रकाशन, भाषिक सभा-सम्मेनन र गोष्ठी गरिने छ ।

९. अनेसासका पूर्व नेतृत्वदायी भूमिका निर्वाह गरेका व्यक्तित्वहरूलाई सम्मान र पुरस्कृत गरिने छ ।

१०. बाल कार्यक्रम तथा प्रतियोगिता, महिला साहित्यिक गोष्ठी तथा प्रतियोगिता, अन्तर्राष्ट्रिय सभा सम्मेलन, साहित्यिक उत्सव गरिने छ ।

११. विधागत अनुवाद कृति प्रकाशित गरिने छ ।

१२ . पाँचै महादेशका सर्जकहरूको प्रतिनिधि सिर्जनाहरूलाई समेटेर संयुक्त कृति प्रकाशित गरिने छ ।

१३. महिला सशक्तीकरण सम्बन्धी गोष्ठी र कृति प्रकाशन गरिने छ ।

१४. आजीवन सदस्यहरूको परिचय पुस्तिका प्रकाशन गरिने छ ।

१५. विगतका कार्यसमितिले गरेका राम्रा कार्यक्रमलाई निरन्तरता दिइने छ ।

प्रतिक्रिया
Loading...