साहित्यपोस्ट
नेपाली भाषा र साहित्यको सम्पूर्ण पत्रिका

कविकेशरीको जन्मजयन्ती र पुरस्कार घोषणा

Chovar Blues Mobile Size

नेपालभाषा परिषद्ले कविकेशरी चित्तधर ह्रदयको ११६ औं जन्मजयन्तीको अवसरमा विविध विधाका छ जना स्रष्टाहरूलाई पुरस्कार तथा सम्मान गर्ने निर्णय गरेको छ ।

परिषदको कार्यसमितिको हालै बैठकले भाषाथुवाको उपाधि कवि नवीन चित्रकारलाई, चित्तधर सिरपा कवि डा.आनन्द जोशीलाई, मोतिलक्ष्मी सिरपा कथाकार सरस्वती तुलाधरलाई, केशवलाल सिरपा कथाकार तथा उपन्यासकार केदार सितुलाई, ठाकुरलाल सिरपा नियात्राकार विमलप्रभा बज्राचार्यलाई र पूर्णहीरा सिरपा समालोचक कुन्दनप्रसाद श्रेष्ठलाई प्रदान गर्ने निर्णय गरेको छ ।

पुरस्कृत तथा सम्मानित हुने सबै स्रष्टाहरू नेपालभाषा साहित्यमा विगत चार साढे चार दशकदेखि विविध विधामा क्रियाशील रहेर योगदान गरिरहेकाले उक्त सम्मान तथा पुरस्कार दिने निर्णय गरिएको परिषदले जनाएको छ ।

परिषद्ले सो पुरस्कार यही जेठ १३ गते नेपाल प्रज्ञा प्रतिष्ठानमा विशेष कार्यक्रमको आयोजना गरी प्रदान गर्नेछ । त्यसअघि परिषदले जेठ १२ गते बिहान कालीमाटीस्थित कविकेशरीको पूर्ण कदको सालिकमा माल्यार्पण गर्ने जनाएको छ ।

आनन्द जोशी
sagarmani mobile size

प्रतिक्रिया
Loading...