नारी स्रष्टा समाज प्रदेश १ को आयोजनामा प्रमुख अतिथि वरिष्ठ साहित्यकार दधिराज सुवेदी र नारी स्रष्टा समाज प्रदेश १का अध्यक्ष ममता मृदुलको अध्यक्षतामा सष्टा सम्मान र रचना वाचन कार्यक्रम सम्पन्न भएको छ ।

साहित्य क्षेत्रमा निरन्तर लाग्नु हुने स्रष्टाहरूलाई सम्मान गरिएको छ ।

यस कार्यक्रममा स्रष्टा सरला चापागाई, साहित्यिक अभियन्ता शोभा लामा बल, साहित्यकार राधिका गुरागाई र इन्दु तोदीलाई सम्मान गरियो ।

त्यस्तै विभिन्न संघ संस्था डियर कल्याण साहित्य प्रतिष्ठान इटहरीका विनोद विवश, झोराहाट नाट्य समुह झोराहाटका भरत गुरागाई बर्बरीक, समता साहित्य समाज विराटनगरका शिवनारायण पंडित सिङ्गल,अम्बे मुरारी सेवा केन्द्र विराटनगरका अध्यक्ष, चारु गजल मन्च विराटनगरका देवी पन्थीलाई पनि मायाको चिनो प्रदान गरिएको छ ।

धरानबाट आउनु भएकी स्रष्टा इन्दु तोदी, इटहरीको मीना श्रेष्ठ र इटहरीको स्रष्टा सम्न्द्रा शर्माले अतिथि कविता वाचन गर्नु भएको छ ।

सत्तरी जनाको उपस्थितिमा सम्पन्न उक्त कार्यक्रम लक्ष्मी चौधरी युग्मीले सञ्चालन गर्नु भएको थियो ।

नेपाल पत्रकार महासंघ मा आयोजना गरिएको उक्त सम्मान कार्यक्रममा स्वागत मन्तव्य लक्ष्मी रायमाझी खड्काले गर्नु भएको थियो ।