विराटनगर / कवि हरिप्रसाद बरालको ‘काव्यिक बिम्ब फूलबारी’ कवितासङ्ग्रहको शनिबार विराटनगर आयोजित एक समारोहका बीच विमोचन गरिएको छ ।

विराटनगर–१२ स्थित विराट सामुदायिक भवनमा आयोजित कार्यक्रममा वरिष्ठ साहित्यकार दधिराज सुवेदी, साहित्यकार कृष्णराज कोइराला, विश्लेषक डा. भेषप्रसाद धमला, साहित्यकार देवी पन्थी, सरला चापागाईं, मधु पोखरेललगायतले संयुक्त रुपमा विमोचन गर्नु भएको थियो ।

विराटनगर–११ स्थित ज्येष्ठ नागरिक सामुदायिक संस्थाले आयोजना गरेको कार्यक्रममा विमोचित कृतिमाथि समालोचक भूषण ढुंगेल र हरि कट्टेलले समीक्षा गर्नुभयो । सो अवसरमा वरिष्ठ अधिवक्ता विपुलेन्द्र चक्रवर्ती, अर्थशास्त्री डा. भेषप्रसाद धमला, शिक्षासेवी डा. उद्धव पोखरेल, विराटनगर–११ का वडाध्यक्ष तीथेन्द्र न्यौपानेले शुभकामना मन्तव्य व्यक्त गर्नु भएको थियो । कवि भरत गुरागाईंले सञ्चालन गरेको कार्यक्रममा इन्द्रप्रसाद खतिवडाले आयोजक संस्थाको गतिविधिसहित परिचय प्रस्तुत गर्नु भएको थियो ।