सुरभि साहित्य प्रतिषठानको १४ औँ स्थापना दिवसका अवसरमा सुरभि पुरस्कार अर्पण तथा पुस्तक लोकार्पण कार्यक्रम सम्पन्न भएकाे छ । कार्यक्रममा कथाकार मधुवन पौडेल, नारायण ढकाल, ध्रुव मधिकर्मी र रुकु कार्की सम्मान गरिएको हो ।

वरिष्ठ साहित्यक पत्रकार रोचक घिमिरेको प्रमुख आतिथ्यमा सम्पन्न समारोहमा वरिष्ठ साहित्यकारद्वय विजय चालिसेको आत्मसंस्मरण “जीवनका वक्ररेखा” र बाजुराम पौडेलको उपन्यास “अर्को संसार” को लोकार्पण पनि गरिएको थियो । दुवै कृतिका बारेमा वरिष्ठ समालोचक गोपी मैनाली, ठाकुर शर्मा र युवराज मैनालीले विश्लेषण गर्नुभएको थियो ।

कार्यक्रममा विशिष्ठ अतिथि प्राज्ञ दिनेशराज पन्त, पूर्व मन्त्री रामेश्वर फुँयाल, पुरस्कृत प्रतिभाहरूका साथै लेखकद्वय गोविन्द घिमिरे र रामकुमार पण्डितले मन्तव्य राख्नुभएकाे थियो ।