साहित्यपोस्ट
नेपाली भाषा र साहित्यको सम्पूर्ण पत्रिका
Sahityapost Book

अनेसास शब्दसारथिमा अर्यालद्वयको कृति चर्चा

Chovar Blues Mobile Size

बोस्टन, अमेरिका / अन्तर्राष्ट्रिय नेपाली साहित्य समाजको साहित्यिक कार्यक्रम शब्दसारथिमा साहित्यकार दम्पती सीता अर्याल र राजेन्द्रप्रसाद अर्यालको कृतिको चर्चा गरिएको छ । आइतबार जूमप्रविधिका माध्यमबाट गरिएको उक्त कार्यक्रममा सीताको ‘अनुपमा’ गीति सङ्ग्रह र राजेन्द्रको ‘आजको मान्छे’ कविता सङ्ग्रहको लोकार्पण गरिएको हो ।

नेपाल प्रज्ञा प्रतिष्ठानका कुलपति गङ्गाप्रसाद उप्रेतीको प्रमुख आतिथ्यमा भएको उक्त कार्यक्रममा अनेसास, प्रज्ञाप्रतिष्ठान, गैरआवासीय नेपाली सङ्घका नेतृत्व बर्गका साथमा साहित्यकारहरूको सहभागिता रहेको थियो ।

कार्यक्रममा अनेसासका सल्लाहकार समालोचक प्रा.डा. लक्ष्मणप्रसाद गौतमले राजेन्द्र अर्यालको कविता कृति माथि समीक्षात्मक टिप्पणी गरे भने नेपाल प्रज्ञा प्रतिष्ठानका सदस्य सचिव जगत उपाध्याय ‘प्रेक्षित’ले सीता अर्यालको गीतिकारिताको बारेमा चर्चा गरे ।

कार्यक्रममा फ्रान्सका लागि नेपाली राजदूत दीपक अधिकारी, अनेसासका सल्लाहकार तथा गैर आवासीय नेपाली संङ्घ, अन्तर्राष्ट्रिय समन्वय परिषदका अध्यक्ष कुमार पन्त, अनेसासका पूर्व अध्यक्ष पदम विश्वकर्मा, गैर आवासीय नेपाली संङ्घ, अन्तर्राष्ट्रिय समन्वय परिषदका पूर्व अध्यक्ष तथा साहित्यकार जीवा लामिछाने, साहित्यकार गोविन्द गिरी प्रेरणा, मोहन चापागाईं, गैर आवासीय नेपाली संङ्घ, अमेरिका अध्यक्ष बुद्धिसागर सुवेदी, हरिहर अर्याल, डा. ऋृषि बस्ताकोटी, डा. राजुबाबु श्रेष्ठ, अनेसासका उपाध्यक्ष राजेन्द्र श्रेष्ठ, महासचिव सर्वज्ञ बाग्ले, कोषाध्यक्ष कृष्णकुमार गिरी, अनेसास बीओटी सदस्य तीर्थराज अधिकारी, ईश्वर देवकोटा, नम्रता गुरागाई, दिनार श्रेष्ठ, कृष्ण सिंजापतिलगायतले शुभकामना तथा विमोचित कृतिको रचना वाचन गरे ।

अनेसासका वरिष्ठ उपाध्यक्ष गोवर्द्धन पूजाको संयोजनमा आयोजित उक्त कार्यक्रम अनेसासका अध्यक्ष प्रकाश पौडेल माइलाको सभापतित्वमा सम्पन्न भएको हो ।

प्रतिक्रिया
Loading...