साहित्यकार एवं आफ्नो समयका चर्चित रेडियो कार्यक्रम प्रस्तोता दाहाल यज्ञनिधिकाे नाममा साहित्यिक, सामाजिक संस्थाकाे स्थापना गरिने भएकाे छ । ५१ लाख रूपैयाँ अक्षयकाेषसहित दाहाल यज्ञनिधि-सुधा सदनकाे स्थापना गरिने भएकाे हाे ।

साहित्यकार दाहालकी धर्मपत्नी सुधा दाहालकाे अध्यक्षतामा गठित उक्त संस्थाको उपाध्यक्षमा डा.रमेश शुभेच्छुक, सचिवमा ठाकुर बेलवासे र काेषाध्यक्ष नन्दराज पाेखरेल रहनुभएको छ ।यस्तै साहित्यकार डा.विष्णु राई, गायिका लाेचन भट्टराई, साहित्यकार निलम कार्की निहारिका, पत्रकार दिनेश लुइँटेल र जीवनिधि दाहाल कार्यसमिति सदस्य रहनुभएको छ ।

संस्थाकाे संरक्षकमा दाहालकी माता कृष्णकुमारी दाहाल रहनुभएको छ ।

सामाजिक अभियान्तासमेत रहनुभएका लाेकप्रिय रेडियो कार्यक्रम प्रस्ताेता तथा साहित्यकार दाहालकाे निधन २०७५ साउनमा भएकाे थियाे ।