अन्तर्राष्ट्रिय नेपाली साहित्य समाज नेपाल च्याप्टरको आयोजनामा दसैँ २०७८ को पावन अवसरमा शुभकामना आदानप्रदान कार्यक्रम सम्पन्न भयो ।

संस्थाको आफ्नै कार्यकक्षको सभाहलमा सम्पन्न भएको कार्यक्रममा अमेरिकादेखि आउनुभएका अनेसास केन्द्रका सचिव बिमला निरौला, अनेसास पुरस्कार समितिका सदस्य एवम् अनेसास बोस्टन च्याप्टरका अध्यक्ष साहित्यकार दीपा राई पुनलाई नेपाल च्याप्टरको तर्फबाट संस्थागत स्वागत एवम् सम्मान समर्पण गरिएको थियो ।

अनेसास नेपाल च्याप्टरका अध्यक्ष कवि सन्ध्या पहारीको अध्यक्षतामा भएको कार्यक्रमा अनेसास बिओटी सल्लाहकार प्रा.डा.खगेन्द्रप्रसाद लुइँटेल विशिष्ट अतिथिका रूपमा उपस्थित भएर संस्थाको विगत, वर्तमान एवम् भविष्यका बारेमा साथै संस्थाको भर्खरै संशोधित विधानका बारेमा स्पष्ट पार्नुभयो ।

संस्थाका पदाधिकारी एवम् उपस्थित पाहुना सबैले शुभकामनाका शब्द व्यक्त गर्दै रचना सुनाउनुभएको थियो भने कार्यक्रम सञ्चालनको भूमिकामा संस्थाका उपाध्यक्ष राजेन्द्र केसी रहनुभएको थियो ।