साहित्यपोस्ट
नेपाली भाषा र साहित्यको सम्पूर्ण पत्रिका

सत्यमोहन जोशी १० दिनपछि अस्पतालबाट डिस्चार्ज

शताब्दी पुरुष सत्यमोहन जोशी

संस्कृतिविद् सत्यमोहन जोशी १० दिनपछि अस्पतालबाट डिस्चार्ज भएका छन् । उनी स्वास्थ्य लाभ गरेर शुक्रबार घर फर्किएका हुन् ।

छातीमा समस्या देखिएपछि १०२ वर्षीय जोशीलाई गत बुधबार ललितपुरको किष्ट अस्पतालमा भर्ना गरिएको थियो ।

किस्ट अस्पतालका चिकित्सक २६ वैशाखमा नियमित फलोअपका लागि जोशी निवासमै पुगेका थिए । श्वासप्रश्वासमा समस्या देखिएपछि चिकित्सकले अस्पताल नै ल्याएका थिए ।

निमोनिया र छातीमा समस्या देखिएपछि पल्मोनोजोष्ट डा. मिलेसजंग सिजापतिसहित कार्डियोलोजिस्ट र क्रिटिकल केयर टिमले उनको उपचार गरेको थियो ।  उनको कोभिडको रिपोर्ट भने नेगेटिभ आएको थियो ।

अस्पतालले महिनाको एक पटक निवासमै गएर संस्कृतिविद् जोशीको स्वास्थ्य फलोअप गर्ने गरेको छ ।

प्रतिक्रिया
Loading...