विवेकशील साझा पार्टीका सहअध्यक्ष रवीन्द्र मिश्रको नयाँ कृति ‘राजनीतिसँगै राजकाज’ बजारमा आउने भएको छ ।

शनिबारबाट बजारमा आउने सो पुस्तकको भव्य विमोचन डा. बाबुराम भट्टराई, डा. स्वर्णिम वाग्ले र लेखक स्वयंले गर्नेछन् ।

विमोचनसँगै पुस्तकबारे ‘राजकाज संवाद’समेत हुने भएको छ ।

मिश्रको यो चौथो पुस्तक हो । यसअघि उनको प्रकाशित पुस्तक ‘खान पुगोस् दिन पुगोस्’ बेस्टसेलर बन्न पुगेको थियो ।

यस पुस्तकको लेखकस्व उनले आफ्नै पार्टीलाई प्रदान गर्ने बताएका छन् ।

बिबिसीका पत्रकारको रूपमा ख्याति कमाएका उनले पछि परोपकार पत्रकारितामा जोड दिँदै संसारभरिको नेटवर्क बनाएका थिए । पछि उनले साझा पार्टी स्थापना गर्दै वैकल्पिक राजनीतिलाइ अघि बढाइरहेका थिए । यो पुस्तक हालको विवेकशील साझा पार्टीको राजनीतिक चिन्तनको दस्तावेज मानिएको छ ।