ध्रुव मधिकर्मी

राजेन्द्र विमल

लघुकथा समाज नेपालले दुई प्रख्यात सर्जकलाई सम्मान गर्ने भएको छ ।

२०७७ का लागि सावित्री केशर कथा सम्मान डा. राजेन्द्र विमललाई र बाटुली खिलध्वज लघुकथा सम्मान लघुकथाकार ध्रुव मधिकर्मीलाई प्रदान गर्ने भएको हो ।

नेपालीको राष्ट्रिय चेतनाको निर्माणमा महत्त्वपूर्ण योगदान दिएकोमा डा. विमललाई र नेपाली लघुकथा लेखनका क्षेत्रमा तीसको दशकदेखि निरन्तर सक्रिय रहेर सिर्जना एवम् संगठनका माध्यमबाट महत्त्वपूर्ण योगदान दिएकोमा ध्रुव मधिकर्मीलाई सम्मान गरिन लागिएको हो ।

दुवै सम्मानको राशि पन्ध्र हजार एक सय एक रूपैयाँ रहेको र सम्मान अनुकूल समयमा प्रदान गरिने समाजले जनाएको छ ।