अक्षरमार्गले नेपाली भाषा, साहित्य र कलामा महत्त्वपूर्ण योगदान गर्ने पाँच जना साहित्यिक स्रष्टालाई सम्मान गर्ने भएको छ ।

यसरी सम्मानित हुने स्रष्टाहरूमा ‘विष्णुहेम अक्षरमार्ग वरिष्ठ साधक सम्मान’बाट वरिष्ठ साहित्यकार श्रीॐ श्रेष्ठ, ‘नरबहादुर अक्षरमार्गस्रष्टा सम्मान’ वरिष्ठ साहित्यकार तथा प्राध्यापक विष्णु एस राई, ‘कृष्णसुन अक्षरमार्ग साहित्यिक पत्रकार सम्मान’बाट वियोगी बुढाथोकी, ‘कृष्णदास अक्षरमार्ग स्रष्टा सम्मान’बाट कवि सुरेन्द्र अस्तफल, ‘अक्षरमार्ग भरतराज काभ्रेली सम्मान’बाट तारा के.सी रहेका छन् ।

सोही कार्यक्रममा मुक्तकमा समवेत स्वरहरू पनि लोकार्पण हुने जानकारी प्राप्त भएको छ ।

पाँचै जना साहित्यिक स्रष्टाहरुलाई यही चैत्र १४ गते एक कार्यक्रमका बीच सम्मान समर्पण गरिने जानकारी साहित्यकार तथा कार्यक्रमका संयोजक सूर्यप्रसाद लाकोजू बताएका छन् ।

विष्णु एस राई

वियोगी बुढाथोकी

ओम श्रेष्ठ रोदन

सुरेन्द्र अस्तफल

तारा केसी

लेखकका अन्य सिर्जनाहरू पढ्न यहाँ क्लिक गर्नुहोस्...