सगरमाथा साहित्य प्रतिष्ठान नेपालको प्रदेश नम्बर ६ शाखाको गठन भएको छ । सोमबार भएको भर्चुअल बैठकले कार्यसमिति चयन गरेको हो ।

शाखाका अध्यक्षमा चिन्तन नेपाल र उपाध्यक्षमा सुवास सिंह ठकुरी चयन हुनुभएको छ । यस्तै सचिवमा देब सजन सुनार, सह-सचिवमा सुरज वली, कोषाध्यक्षमा जनक चन्द ऋतु र सह कोषाध्यक्ष ध्रुव सँज्याल चयन हुनु भएको छ ।

यस्तै शाखाको कार्यसमियी सदस्यहरुमा सरोजश्री सेन्चुरी, रमा नेपाली, बाबुराम भट्टराई, श्यामल थापा मधु, कल्पना कठायत, नूर पाण्डे, सोनु खड्का र अनमोल शर्मा रहनु भएको छ ।

शाखा संयोजक चिन्तन नेपालको अध्यक्षतामा बसेको बैठकमा सगरमाथा साहित्य प्रतिष्ठानका केन्द्रीय संरक्षक समर चेम्जोङ आभास, अध्यक्ष जीवित खड्का मगर, प्रचारप्रसार विभाग प्रमुख अजित क्षेत्री, केन्द्रीय सदस्य सुमित्रा सुमी, देव सजन सुनार, ज्योत्सना श्रेष्ठ, सुवास सिंह ठकुरी, जनक चन्द ऋतु, ध्रुव सँज्याल, बाबुराम भट्टराई बाबु लगायतको उपस्थिति थियो ।

विविध विषयमा छलफल गरिए पनि समिति गठनको कार्यलाई मुख्य प्राथमिकतामा राखिएको थियो ।