लीलाध्वज थापा साहित्य प्रतिष्ठानका अध्यक्ष विजयध्वज थापाको प्रमुख आतिथ्यमा पनौतीको ज्ञान विकास सामुदायिक पुस्तकालयमा एक भव्य मुक्तक वाचन कार्यक्रम सम्पन्न भयो । कार्यक्रम पनौतीकै अक्षर मार्गले सिर्जना–लयको सिलसिला अन्तरगत पाँचौँ शृङ्खला रहेको थियो ।

अक्षर मार्गका अध्यक्ष सूर्य लाकोजूको सभापतित्वमा सञ्चालन भएको कार्यक्रमको उद्घाटन प्रमुख अतिथिले मुक्तक वाचन गरी गरेका थिए भने स्वागत मन्तव्य तयुकाजी ताम्राकारको रहेको थियो । सो कार्यक्रममा घुम्ती मुक्तक टोलीलाई स्वागत गरिनुका साथै मुक्तक वाचन र दुई नारी स्रष्टा सुभद्रा दाहाल र लक्ष्मी बडाललाई सम्मान गरिएको थियो ।

गीता दाहालले सञ्चालन गरेको कार्यक्रममा घुम्ती मुक्तक टोलीका तर्फबाट विजयध्वज थापा, रुद्र अधिकारी, रविन्द्र आशिष शैली, दुर्गाकिरण तिवारी, भुवन सिवाकोटी चौघरे, विमला अधिकारी देवकोटा, विद्या भण्डारी, लब खड्का, तारा के.सी, प्रकाश सुवेदी, शारदा घिमिरे र स्थानीयतर्फबाट सूर्य लाकोजू, तयुकाजी ताम्राकार, रामसुन्दर देउजा, परशुराम अधिकारी, प्रदीप सापकोटा, घायल योद्धा नवराज, जयदेव श्रेष्ठ, कृष्णकुमार बैद्य, हरिप्रसाद चौलागाईँ, मीरा पौडेल, ललिता अधिकारी, सिद्धिलाल कर्माचार्य, गीता दाहाललगायत करिव दुई दर्जनभन्दा बढी मुक्तककारहरूले मुक्तक वाचन गरेका थिए ।