गायक तथा संगीतकर्मी एनिस एन्जल राईको नयाँ गीत ‘देखेर तिम्रो रूप’ सार्वजनिक गरिएको छ । आधुनिक शैलीमा तयार गरिएको गीतमा ममता राई र एनिस एन्जल राईकै स्वर समावेश गरिएको छ।

गीतको शब्द तथा संगीत एनिस एन्जल राईकै रहेको छ भने संगीत संयोजन बुद्व स्याङ्बाले गर्नुभएकाे हाे । भिडियो छायांकन तथा सम्पादन अङ्कुर राज भट्टले गर्नुभएकाे छ  । गीतको रेकर्ड ड्रिम्स रेकर्डिङ स्टुडियोमा सम्पन्न गरिएको हो, जहाँ रेकर्डिस्ट मिलन थामी र मिक्स–मास्टरिङ प्रकाश केसीले गर्नुभएकाे छ । भिडियोमा मेकअप साेनी  राईले सम्हाल्नुभएकाे छ ।

यसअघि पनि एनिस एन्जल राईकाे गीतहरूले राम्रो दर्शक–श्रोता प्रतिक्रिया पाइरहेको समयमा आएको नयाँ गीतले फेरि उहाँको सिर्जनामा चर्चा थप्ने विश्वास लिइएको छ।

राईकाे लोकप्रिय पुराना गीतहरूमा

‘तिम्रै याद’ — शब्द तथा स्वर : एनिस एन्जल राई

उकाली ज्यानको — शब्द तथा स्वर : एनिस एन्जल राई

कहाँ छौं कहाँ — शब्द तथा स्वर : एनिस एन्जल राई

शिर फुल — शब्द तथा स्वर : एनिस एन्जल राई

कस्ले सक्छ र — शब्द तथा स्वर : एनिस एन्जल राई

दिलकाे संघार — शब्द : विजय राई, संगीत : कन्काइष्ट राई, स्वर : एनिस एन्जल राई

उक्त सबै गीतले युट्युब तथा सामाजिक सञ्जालमा राम्रो चर्चा बटुलेका छन्। नयाँ गीत ‘देखेर तिम्रो रूप’ सार्वजनिक भएपछि दर्शक–श्रोताले समेत सकारात्मक प्रतिक्रिया दिने अपेक्षा गरिएकाे  छ।