साहित्यपोस्ट डटकम र विमल फोटो डटकमको संयुक्त तत्वावधानमा हरेक साता फोटो कविता आह्वान गरिएकोमा यो साता निर्णायक मण्डलले प्राप्त कविताहरूमध्ये सर्वोत्कृष्ट तीन कविता छनोट गरेको छ ।

यस चरणमा साहित्यपोस्टले फोटोसँगै “उज्यालो” वा “पदचाप” विषय दिएर कविता आह्वान गरेको थियो । फोटोका साथमा विषय पनि दिँदा प्राप्त कवितामा विशिष्टता आएको निर्णायक मण्डलले जनाएको छ ।

यो कल्पना श्रेष्ठ, शोभा अधिकारी,  दीपा मेवाहाङ राई  गरी तीनलाई उत्कृष्टमध्येबाट सर्वोत्कृष्ट चयन गरिएको छनोट समितिले जनाएको छ । निर्णायक मण्डलका अनुसार इन्दिरा चापागाइँ, गाेपीराम भण्डारी, पार्वती पहरी भने केही अङ्कको अन्तरले मात्र सर्वोत्कृष्ट हुनबाट वञ्चित भएका छन् । तीन सदस्यीय छनोट समितिले तस्बिरका भावनासँग मिल्ने कविताहरू मध्येबाट सर्वोत्कृष्ट तीन कविता चयन गरेको हो ।

प्रतियोगिताको रीत पुर्याई २७ वटा कविता प्राप्त भएका थिए । त्यस्तै नियमविपरीत फेसबुक पेजकाे म्यासेन्जर र मेलका माध्यमबाट १८ कविता प्राप्त भएका थिए । नियमविपरीत रहेर आएका कविताहरू प्रतियोगितामा समावेश भएनन् ।

कवितालाई प्रथम, द्वितीय र तृतीय भनेर वर्गीकरण नगरी उत्कृष्टमध्येबाट तीन सर्वोत्कृष्ट कविता छनोट गरिएको छ । उत्कृष्टबाट प्रथम, द्वितीय र तृतीय छान्न गाह्रो भएकाले सर्वोत्कृष्ट घोषणा गरिँदै आएको साहित्यपोस्टका काव्य विभाग प्रमुख निरज दाहालको भनाइ छ ।

फोटो कविता प्रतियोगिताको सोह्रौँ शृंखला भोलिदेखि सुरू हुनेछ ।

यस्ता छन् पुरस्कृत कविका कविताहरूः