काठमाडौं । नेपाल प्रज्ञा-प्रतिष्ठानले आफ्नो ६८ औं वार्षिकोत्सवको अवसरमा आयोजना गर्न लागेको कविता महोत्सव–२०८२ का लागि २५ जना कविका रचनाहरू छनोट भएको सूचना सार्वजनिक गरेको छ।

प्रतिष्ठानका सदस्य सचिव डा. धनप्रसाद सुवेदीद्वारा हस्ताक्षरित असार ६ गतेको सूचनाअनुसार असार ९ गते सोमबार हुने कार्यक्रममा  कविता वाचन गर्नुहुने कविहरूमा अविनाश भट्टराई, ऋतेस गुरुङ, एड्सन चाम्लिङ, करुणा नेपाल, कर्ण संजय, किशन पौडेल, खेमराज सुवेदी, गुञ्जन राई,  गोमा श्रेष्ठ, चन्द्रमणि चापागाई, टहल दाहाल ‘नवकिरण’, तुलसी केसी, दयाराम दुवाडी आत्रेय,  नरोत्तम श्रेष्ठ,  निहाङ किराती,  भेषराज सापकोटा,  भोगेन्द्र लिङ्देन, मदन माबो, मधुर भट्टराई,  मिरमा (रमा सुवेदी), रवीन रेग्मी,  राजेन्द्रप्रसाद भट्ट, शमूएल कोइराला विश्वकर्मा, सन्ध्या महर्जन, सिर्जन अविरल रहनुभएकाे छ

प्रतिष्ठानले वाचनका लागि प्रत्यक्ष उपस्थित हुन नसक्ने कविहरूले असार ८ गते दिनको ३ बजेभित्र आफ्नो भिडियो रेकर्ड पठाउन सकिने व्यवस्था मिलाएको जानकारी दिएको छ।

यस कविता महोत्सवमार्फत नेपाली साहित्यमा सक्रिय नयाँ तथा स्थापित स्रष्टाहरूको सिर्जनाशीलता प्रस्तुत गर्ने अवसर प्रदान गरिँदैछ।