
हाम्रो पूर्णिमा साहित्य प्रतिष्ठानको आयोजनामा क्याफे कविताको पहिलो शृङ्खला कोहलपुरमा सम्पन्न भएको छ ।
कार्यक्रममा कैलालीका कवि महेश दोस्ताज र कोहलपुरकी कवि प्रतिभा प्रक्षिप्तले आफ्ना छ छ वटा कविता पालैपालो सुनाउनुभएको थियो । मानवीय संवेदनाले भरिएका कविताले युग संवेदनालाई समेत नजिकबाट छोएका थिए ।
कार्यक्रममा प्राज्ञ महानन्द ढकाल, वागेश्वरी बहुमुखी क्याम्पसका प्रमुख दानबहादुर हमाल, प्रा.डा. जनार्दन आचार्य, साहित्यकार किरण आचार्य, इन्द्र बस्नेत, ईश्वरी रिजाल, हरि सुवेदी, सागर गैरे, विष्णु बेलबासे, खोपीराम वली, देवकी निरौला, नवीन अभिलाषी, वीपी अस्तु, वीरेन्द्र शाही, हुकुम धड्कन, भीम रोकाय, खेम बगर, विष्णु पादुका, इन्दिरा गौतम, पुर्मल बस्नेत, नमिता बराल, चन्द्रावती अधिकारी, मणि गैरे, लगायत ६ दर्जन साहित्यकार र सञ्चारकर्मीहरूको उपस्थिति रहेको थियो ।
सहभागीहरूले कार्यक्रम निकै नौलो, प्रभावकारी र सानदार रहेको प्रतिक्रिया दिनुभयो । आफूहरूले प्रतिभा भएका कविहरूलाई हौसला दिने र साहित्यबाट समाजलाई युग र जीवन देखाउने उद्देश्यले यस्तो कार्यक्रम ल्याएको प्रतिक्रिया अध्यक्ष पुष्कर रिजालले दिनुभयो । कार्यक्रमको सहजीकरण सचिव केशव निमेषले गर्नुभएको थियो ।



यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।

