समता स्कुल इटहरीको आयोजनामा आज  समता साहित्य महोत्सव सम्पन्न भएको छ ।

समता स्कुल पुर्वी कन्सर्टियमका प्रमुख सन्तोष श्रेष्ठको अध्यक्षता तथा प्राज्ञ दिवस पोखरेलको प्रमुख आथित्यतामा सम्पन्न सम्मेलनमा काठमाण्डौ , पोखरा तथा कोशी प्रदेशका करिब ६० जना लेखक कविहरुको उपस्थित थियो ।

महोत्सवमा कवि मनु मन्जिलले पर्या लेखनका बारेमा र साहित्यकार मिश्र वैजयन्तीले साहित्य र विद्यालय बारे आफ्नो अवधारणा प्रस्तुत गर्नु भएको थियो । कोशी प्रदेशका विभिन्न जिल्लामा संचालित समता स्कुलहरु बिच कविता प्रतियोगिता समेत भएको थियो ।

महोत्सवमा कवि तथा सांसद मिना श्रेष्ठ, चन्द्र गुरुङ, सिमा आभास, हेमन यात्री कलाकार बिक्रम श्री, प्रायग न्यौपाने, लगायत करिब ६० जना कविहरुले आफ्नो सृजना बाचन गर्नु भएको थियो ।

समता स्कुल पुर्वी कन्सर्टियमका साहित्य दूत कवि विमल वैद्यले कार्यक्रमको संयोजन गर्नु भएको थियो ।