भद्रपुर । लेखक खेमराज दाहालको दोस्रो कृति ‘भद्रपुरको प्रतिबिम्ब’ चन्द्रगढीमा विमोचन गरिएको छ ।

तथ्याङ्कमा भद्रपुर नगरपालिका, झापा जिल्ला र देशभित्रका महत्त्वपूर्ण क्षेत्र समेटेर तयार भएको पुस्तकको विमोचन भद्रपुर नगर प्रमुख गणेश पोखरेलले गरेका हुन् ।

डाइनामिक ग्रुपका अध्यक्ष अर्जुन खरेलको अध्यक्षता तथा प्रमुख अतिथि भद्रपुर नगर प्रमुख पोखरेलको रहेको थियो । खगिन्द्रा खुसीले सञ्चालन गरेको कार्यक्रममा पुस्तकको समीक्षा हल्दीवारी गाउँपालिकाका अधिकृत तथा डाइनामिक ग्रुपका सल्लाहकार राजन न्यौपानेले गरेका थिए ।

कार्यक्रमको औचित्यमाथि प्रकाश ग्रुपका सचिव चन्द्रमणि पौडेलले पारेका थिए भने कार्यक्रममा स्वागत मन्तव्य डाइनामिकका सदस्य उमेश पाण्डेले राखेका थिए । स्वागत गीत अनिता पौडेल र सिम्रन आचार्यले गाएका थिए ।

प्राज्ञ हरि पौडेल, प्रा.डा. गंगा प्रसाद अधिकारी, समाजसेवी तथा चन्द्रगढी सामुदायिक वनका अध्यक्ष दुर्गाप्रसाद भट्टराई, भद्रपुर ९ का वडाध्यक्ष राम दाहाल, ७ का वडाध्यक्ष अभिषेक ढुङ्गाना, कार्यपालिका सदस्य सीता ढकाल गुरागाईं, १० नं. वडा सदस्य दुर्गाप्रसाद दाहाल, ८ नं. वडा सदस्य भगवती बस्नेत , अग्रज पत्रकार चिन्तामणि दाहाल, समाजसेवी शिव राजभण्डारीलगायतको उपस्थिति रहेको थियो ।