कवि आर्यशको पहिलो कवितासङ्ग्रह ‘म तिमी आउनुअघि नै गइसकेको थिएँ’ प्रकाशनमा आएको छ । एक दशकदेखि कविता लेखनमा सक्रिय पछिल्लो समयका सशक्त कवि आर्यशको कवितासङ्ग्र बजारमा आएको हो ।

आर्यशका कविताहरूमा उदासीनता, कलात्मक विद्रोह चेत, कोमलता, सिर्जनशील अराजकतालगायत विविधता पाइन्छ ।

आर्यशका कविता सामाजिक सञ्जालमा निकै रुचाइने गर्छन् । बेलामौका विभिन्न पत्रपत्रिकामा समेत उनका कविताहरू प्रकाशन हुँदै आएका छन् ।

कुल ५८ थान कविता रहेको ‘म तिमी आउनुअघि नै गइसकेको थिएँ’लाई इन्डिगो-इन्क बुक्स काठमाडौंले साउनको अन्तिम साताबाट बजारमा ल्याएको हो ।

१ सय ४ पृष्ठ रहेको कवितासंग्रहको मूल्य ३ सय रुपैयाँ रहेको छ ।