काठमाडौं । चर्चित गायक तथा संगीतकार राज सागरको स्वरमा गीतकार बिटु केसीको नयाँ गजल युट्युबमार्फत सार्वजनिक गरिएको छ । “तिमी छौ त्यसैले यो जीवन खास लाग्छ …” प्रेमिल बोलको सुमधुर गजलको संगीत सिर्जना राज सागरले नै गरेका हुन् ।

गीतकार केसीले आफ्नो श्रीमान तारा बरालको जन्म दिनको अवसर पारेर यो गजल सार्वजनिक गरेको जानकारी गराइएको छ ।
संगीतकार राज सागरलाई गजलका शब्दहरुले मन छोएपछि उनले आफ्नै अग्रसरतामा यसमा संगीत भरेका थिए ।

डिल्लीबजारस्थित भ्वाइस अफ नेपाल स्टुडियोमा रेकर्डिङ गरिएको यो गजलको म्युजिक एरेन्जर उदयराज पौडेल हुन् । गजलको मिक्सिङ, मास्टरिङ र रेकर्डिस्ट दीप घतानी हुन् ।

यसअघि गितकार बिटु केसीका सातवटा गीत र गजलहरु बजारमा आइसकेका छ्न् ।