‘गोपालप्रसाद रिमाल पुरस्कार २०८१’ कवि तथा समालोचक डा. रामप्रसाद ज्ञवालीलाई प्रदान गरिने भएको छ । साहित्य सदन नेपालका अध्यक्ष प्रा.डा. हेमनाथ पौडेलको अध्यक्षतामा बसेको बैठक यो सो निर्णय गरेको हो ।

साहित्य सदन नेपालद्वारा स्थापित यो पुरस्कार चार दशकबाट निरन्तर कविता र समालोचना विधामा सक्रियतापूर्वक योगदान गरेबापत ज्ञवालीलाई प्रदान गरिने निर्णय भएको विज्ञप्तिमा उल्लेख छ ।

पुरस्कार आउँदो जेठ १८ गते शुक्रबारका दिउँसो १ बजे बौद्धस्थित साहित्य सदन नेपालको प्रेक्षालयमा आयोजना हुने गोपालप्रसाद रिमालको १०७ औँ जन्मजयन्ती समारोहमा अर्पण गरिने कार्यक्रम रहेको छ ।