काठमाडौं । ‘परशु–कल्पना स्रष्टा सम्मान’ घोषणा गरिएको छ । विशिष्ट आख्यानकार परशु प्रधानको निधन भएको ४५ औं दिनको पुण्यतिथिमा उनका सन्तानहरूले स्थापना गरेको अक्षयकोशबाट ‘परशु–कल्पना स्रष्टा सम्मान’ समर्पण गरिने घोषणा गरिएको हो ।

यो सम्मान एक लाख १०१ रुपैयाँ नगद राशिसहितको हुनेछ । घोषित सम्मान नेपाल स्रष्टा समाजमार्फत समर्पण गरिने समाजले जनाएको छ ।

नेपाली साहित्यमा तीन दशकभन्दा बढी समयदेखि आख्यान क्षेत्रमा उल्लेखनीय योगदान पुर्‍याउने स्रष्टालाई समर्पण गरिने ‘परशु–कल्पना स्रष्टा सम्मान’ प्रत्येक वर्षको चैत ५ गते अर्पण गरिने पनि समाजले जनाएको छ ।