मंसिर २१, शुक्रबार ०३:५१ 
| | साहित्यपोस्टबैशाख १८, मंगलवार १५:०५ |
विश्व नेपाली साहित्य महासंघ, ललितपुरको आयोजनामा वनभोज कार्यक्रममा सम्पन्न भएको छ ।
गोदावरी पार्कमा दुई दर्जन स्रष्टाहरूको रचना वाचन र नवसर्जकको जन्मोत्सव समारोहसहित सम्पन्न भएको सो कार्यक्रममा वरिष्ठ साहित्यकार तथा विश्वकवि तुलसी दिवसलाई अभिनन्दन गरिएको थियो।
उक्त कार्यक्रमा रासु फाउन्डेशनले साहित्यकार दिवसलाई अभिनन्दन गरेको फाउन्डेशनका अध्यक्ष प्रमोद सारंगले जनाए । नेपाली भाषा-साहित्य र कला र संस्कृतिको उन्नयनका लागि विगत लामो समयदेखि अथक योगदान गर्दै समाज र राष्ट्रलाई दिवसले पुर्याउनुभएको अमूल्य योगदानका लागि दिवसलाई अभिनन्दन गरिएको सारंगले बताए ।
नेपाली लोकसाहित्य, संस्कृति र कलाका माध्यमबाट नेपाली वाङ्मय फाँटमा मात्र नभई मन, वचन र कर्मले विश्वका कुना- कुना पुगी प्रभावकारी रूपमा प्रेरणा र उत्साह प्रदान गर्नुका साथै अतुलनीय सक्रियता र योगदानको उच्च कदर गर्दै रासु फाउन्डेशनको तर्फबाट दिवसलाई अभिनन्दन-पत्र प्रदान गरिएको थियो।
दिवसकै प्रमुख आतिथ्य रहेको सो कार्यक्रममा साहित्यकारद्वय डा. भरतकुमार भट्टराई र मणिराज सिंहको विशेष आतिथ्य रहेको थियो । प्रमुख अतिथि दिवसले सबैको आफ्नै लेखनशैली र मौलिकता हुने जनाउँदै कविता सशक्त र प्रभावकारी हुनुपर्ने बताउनुभयो ।
त्यसैगरी, साहित्यकार मणिराज सिंहले कविताको रोचकताबारे प्रकाश पार्नुभयो ।
उक्त वनभोज कार्यक्रममा सर्जक सुनिता अधिकारीको जन्मोत्सव मनाइएको थियो ।
कार्यक्रममा प्रा. तुलसी दिवस, डा. भरतकुमार भट्टराई, दिव्य गिरी, पुष्पराज केसी, प्रमोद सारङ्ग अनुराग अरूण , कृष्णबहादुर विष्ट , शेखर आचार्य , विनोद खत्री, राजाराम राउत , विनोद बञारा चन्दना अर्याल , अर्पणा केसी, हीरा राई, नानीमैया अधिकारी, नीरा श्रेष्ठ , सिर्जना सरोबर , सुनिता अधिकारी, रुबिना राना, जुमन किरण, लक्ष्मी राई “लारा’को उपस्थिति तथा कविता वाचन रहेको थियो ।
सो कार्यक्रममा महासंघका उपाध्यक्ष निता श्रेष्ठको सभापतित्व रहेको थियो भने अध्यक्ष बुद्धिमान महर्जनले कार्यक्रम सन्चालन गरेका थिए ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
