दाङ समाचारदाता । लेखक संघ दाङले साहित्यकार कमला डी .सी.को एकल रचना वाचन कार्यक्रम संघको सभाहल घोराहीमा  सम्पन्न गरेको छ ।

लेखक संघ दाङका अध्यक्ष खगराज न्यौपानेको अध्यक्षता एवम् राप्ती साहित्य परिषद केन्द्रका वरिष्ठ उपाध्यक्ष साहित्यकार  कमलमणि देवकोटाको प्रमुख आतिथ्य तथा वरिष्ठ साहित्यकार गणेश विषम र नरेशजङ्ग राणाको विशिस्ट  आतिथ्यतामा कार्यक्रम सम्पन्न भएको थियो ।

कार्यक्रममा कमला डी. सी. ले लामा र छोटा गरी डेढ दर्जन जति रचना वाचन गर्नुभएको थियो ।

संघका उपाध्यक्ष गोविन्द पौडेलको स्वागत मन्तव्यबाट सुरु भएको कार्यक्रममा विश्व नेपाली  साहित्य प्रतिष्ठान दाङका अध्यक्ष डा.कृष्णराज डी. सी.,पद्मोदय मा.वि. का पूर्व प्र. अ. गोविन्द प्रसाद न्यौपाने ,  राप्ती साहित्य परिषद दाङका अध्यक्ष यम रेग्मी, साहित्यकार देवेन्द्र रिजालले शुभकामना मन्तव्य दिनुभएको थियो।

सबै साहित्यकारहरूले कमला डी. सी. को  रचनाहरूको तारिफ तथा उत्तरोत्तर प्रगतिको कामना  गर्दै  रचनाहरूलाई समेटेर पुस्तकको रूपमा प्रकाशित गर्न सुझाव दिनुभएको थियो।

साहित्यकारहरूको बाक्लो उपस्थिति रहेको कार्यक्रममा  सञ्चालन परिषद्का सचिव सरिता देवकोटाले गर्नुभएको थियो।