२५ जना स्रष्टाहरुद्वारा लिखित संयुक्त मुक्तकसंग्रह हामी र हाम्रो कृति नामक पुस्तक सार्वजनिक गरिएको छ । एक जनाको २८ वटा मुक्तक समेटिएको पुस्तकमा २५ जनाको ७ सय वटा मुक्तकहरू रहेका छन् ।

देशका विभिन्न भूगोलमा रहेका मुक्तक लेखकहरूको हामी र हाम्रो कृति समाजद्वारा प्रकाशित मुक्तक संग्रह यो १५ औं कृति हो । यसअघि पनि समाजले मुक्तक श्रष्टाहरूका कृति प्रकाशन गरिएको थियो । यस कृतिमा राजनीतिक, सामाजिक, प्रेमिल, सिङ्गारिक र समसामयिक विषयलाई समेटिएर मुक्तकसंग्रह प्रकाशन गरिएको मुक्तक लेखक हरि गौतमले जानकारी दिनुभयो ।

मुक्तक लोकार्पण हामी र हाम्रो कृति समाजका अध्यक्ष मदनप्रसाद नेपालको अध्यक्षता र नेपाल प्रज्ञा प्रतिष्ठानका कुलपति भूपाल राईको प्रमुख आतिथ्यतामा भएको थियो । कार्यक्रममा समालोचक तथा समीक्षक डाक्टर गोविन्दमान सिंह कार्की, सांसद गगनकुमार थापा र मदन पुरस्कार विजेता युवराज नयाँघरे लगायतले शुभकामना मन्तव्य व्यक्त गरिएको मुक्तक लेखक गौतमले जानकारी दिनुभयो ।

दोलखाबाट जीवन लामाको रिपोर्ट