नेपालकाे पहिलो रियालिटी शो ‘द पोएट आइडल’को प्रथम आइडल नीलम गुरुङको कवितासङ्ग्रह ‘नपल्टाएका पन्नाहरु’ सार्वजनिक भएको छ ।

काठमाडौँ, गोंगबुस्थित तमु ह्युल छोंज धिं गुरुङ राष्ट्रिय परिषद्को सभाहलमा आयोजित एक कार्यक्रममा पोएट आइडल आयोजकसँगै नेपाली साहित्य जगत्का विभिन्न हस्तीहरूबाट नीलमको कवितासंग्रह  ‘नपल्टाएका पन्नाहरु’ सार्वजनिक गरिएको हो ।

नेपाल प्रज्ञा प्रतिष्ठानका कुलपति भूपाल राईको प्रमुख आतिथ्यतामा सम्पन्न भएको कार्यक्रममा पोएट आइडलका फाइनालिस्ट कविहरूले विभिन्न कविताहरू सुनाएका थिए।

तमु ह्युल छोजंधी गुरुङ राष्ट्रिय परिषद् र यात्रा पब्लिसिङ्गले संयुक्त रुपमा आयोजना गरेको कार्यक्रममा उपस्थित नेपाली साहित्यका विभिन्न व्यक्तित्वहरूले नीलमको कविता, नेपाली भाषा र कलाप्रतिको लगावको प्रसंसा गरेका थिए ।

कार्यक्रममा कवि नीलमले आफ्ना दुई रचना वाचन गरेर सुनाएकी थिइन्।