वरिष्ठ साहित्यकार पोषण पाण्डेको ९१ औं जन्मजयन्ती मनाइएको छ । भानु मा.वि. दरबार हाइस्कुलका विद्यार्थीहरूमा माझ पोषण पाण्डे तीर्थ सदनले पाण्डेको जन्मजयन्ती मनाइएको हो ।

पाण्डेको नाममा स्थापना भएको पोषण पाण्डे तीर्थ सदनले चौथो वर्षमा प्रवेश गरेको दिन हो, माघ १ । त्यही दिनलाई साइत पारी पाण्डेप्रति श्रद्धाञ्जलि अर्पण गर्दै उनले विद्यालय शिक्षा ग्रहण गरेको भानु मा.वि. (तत्कालीन, दरबार हाइस्कुल) मा अध्यनरत विद्यार्थीलाई छात्रवृत्ति प्रदान गरिएको सदनकी महासचीव रन्जु पाण्डेले जनाएकी छिन् ।

उक्त अवसरमा भानु मा.वि.मा अध्ययनरत ४ जना विपन्न तथा जेहेन्दार छात्रछात्रालाई एक वर्षका लागि छात्रवृत्ति प्रदान गरिएको छ । विद्यालय व्यवस्थापन समितिद्वारा छनाैटमा परेका ४ विद्यार्थीहरूका लागि नगद राशि २४ हजार सदनकी महासचिव पाण्डेले विद्यालयलाई हस्तान्तरण गरेकी हुन् ।