१५५ औं मोती जयन्ती तथा हरितालिका तीज पर्वको अवसरमा एनआरएनए एनसीसी अमेरिकाद्वारा गठित नेपाली भाषा|साहित्य संरक्षण र सवंद्र्धन समितिले गजल तथा गीतको विशेष प्रस्तुति का साथ ‘साहित्यिक चौतारी’ कार्यक्रम सम्पन्न गरेको छ ।

कार्यक्रममा अन्तर्राष्ट्रिय नेपाली साहित्य समाज बाेर्ड अफ ट्रस्टीकी अध्यक्ष साहित्यकार गीता खत्रीको प्रमुख आथित्यमा युवाकवि मोतीराम भट्टको योगदान तथा तीजको चर्चाका साथ रचना सुनाउँदै कार्यक्रम सम्पन्न भएको थियो ।

कार्यक्रममा स्रष्टा गायत्री तिमल्सिना, रीता देवी प्रधान, रमा खतिवडा, प्रकाश पाण्डे, गीता बजगाईं, विष्णुमाया खनाल, शान्ता घिमिरे अधिकारी, कल्पना खरेल, हजुरी शाह कँडेल, निता फोर्सन, लक्ष्मी खरेल, उर्मिला निर्दाेशी, पीपलमणि सिग्देललगायतका गायिका तथा साहित्यकारहरुले कविता, गजल, गीत आदि वाचन र गायन गरेका थिए ।

समितिले जुम मार्फत् कार्यक्रम सम्पन्न गरेको हो । फेसबुक पेज www.osvevo बाट लाइभ गरिएको कार्यक्रममा हजारौं श्रोता र दर्शकको सहभागिता रहेको थियो ।