नेपाल स्रष्टा समाजले यस वर्षको प्रसिद्ध कंडेल युवा स्रष्टा सम्मान युवाकवि देबु लुइँटेललाई प्रदान गर्ने भएको छ । समाजका अध्यक्ष श्रीओम श्रेष्ठ ‘रोदन’को अध्यक्षतामा बसेको बैठकले सो निर्णय गरेको हो ।

समाजका उपाध्यक्ष चेतनाथ कंडेल हरित र सीता भण्डारी कंडेलले आफ्नो छोराको नाममा स्थापना गर्नुभएको उक्त सम्मानको नगद राशि रु. ११,१११ ।– सहित प्रमाणपत्र रहेकोे छ ।

सम्मान आगामी पुस १४ गते नेपाल स्रष्टा समाजको १७ औँ स्थापना दिवसका दिन प्रदान गरिने छ ।

यस सम्मानबाट हालसम्म कविहरू रमेश शुभेच्छु, महेश पौड्याल, अनुपम रोशी, मिलन समीर र नवराज पराजुली सम्मानित भइसक्नुभएको छ ।