३०२ औं पृथ्वी जयन्ती तथा राष्ट्रिय एकता दिवस (पुस २७) को अवसरमा राष्ट्रिय प्रजातन्त्र पार्टी (राप्रपा) ले ‘युवा कविता प्रतियोगिता’ आयोजना गर्ने भएको छ । पृथ्वीनारायण शाह, राष्ट्रिय एकता र देशभक्तिसँग सम्बन्धित विषयमा युवा कविता प्रतियोगिता आयोजना गर्ने लागिएको राप्रपाले जनाएकाे हो ।

प्रतियोगितामा प्रथम हुनेलाई एक लाख, द्वितीय हुनेलाई ५० हजार, तृतीय हुनेलाई २५ हजार तथा अन्य तीनजनालाई १०/१० हजारको सान्त्वना पुरस्कार प्रदान गरिने छ ।

प्रतियोगी कविहरूलाई कविता पुसको १५ गते भित्रमा पठाउन आह्वान गरिएकाे छ ।

प्राप्त कविताहरू तीनजना प्रतिष्ठित कविहरूले स्वतन्त्र र वस्तुपरक रूपमा मुल्याङ्कन गर्नेछन् । मुल्यांकन समितिका सदस्यहरूको नाम पुस २७ गते नै जानकारी गराइनेछ ।

पुरस्कृत कविताहरू पुस २७ गते भृकुटीमण्डपमा हुने विशेष समारोहमा स्वयं कविहरूले वाचन गर्नेछन् ।