नेपाल स्रष्टा समाजले यस वर्षको ‘सुभद्रा–विश्वराज स्रष्टा सम्मान’ वरिष्ठ कवि गोविन्दराज विनोदीलाई प्रदान गर्ने भएको छ । समाजका अध्यक्ष श्रीओम श्रेष्ठ ‘रोदन’को अध्यक्षतामा बसेको बैठकले सो निर्णय गरेको हो ।

सम्मान आगामी पुस १६ गत नेपाल स्रष्टा समाजको १७ औँ स्थापना दिवसका दिन प्रदान गरिने छ ।

समाजका पूर्व अध्यक्ष एवं वरिष्ठ कवि विधान आचार्यले आफ्ना मातापिताको नाममा स्थापना गर्नुभएको उक्त सम्मानकाे नगद राशि रु. २१,१११ ।– रहेकोे छ ।

यस सम्मानबाट हालसम्म कविहरु रमेशचन्द्र देवकोटा, नारायणदत्त शास्त्री, घनश्याम कँडेल, रमेश खकुरेल, भुवनहरि सिग्द्येल र श्रीहरि फुयाँल सम्मानित भइसक्नुभएको छ ।