साहित्य सङ्गम मकवानपुर र युगप्रकाश क्लबको संयुक्त आयोजनामा हुने कविता प्रतियोगिताका लागि उत्कृष्ट १५ कविता छनौट गरिएको छ । ११५ औँ लक्ष्मीजयन्तीका अवसरमा कात्तिक २६ गते कविता वाचन तथा सम्मान कार्यक्रम सञ्चालन हुने छ ।

त्रिभुवन माविको व्यवस्थापनमा विद्यालय प्राङ्गणमा वाचन तथा सम्मान कार्यक्रम हुने साहित्य सङ्गमले जनाएको छ ।  कार्यक्रमको पूर्वसन्ध्यामा स्मारक गेटदेखि प्रभातफेरी गरी त्रिभुवन माविमा रहेको देवकोटाको प्रतिमामा माल्यार्पण गरिनेछ ।

विद्यालय स्तरीय प्रतियोगितामा ३७ कवितामध्ये छनौट १५ कविता वाचनका लागि सर्जकको अनिवार्य उपस्थिति रहेको तथा उत्कृष्ट ३ जनालाई जनही २ हजार र १ जनालाई १ हजार राशिको प्रोत्साहन पुरस्कार प्रदान गरिने बताइएकाे छ ।

साथै, कार्यक्रममा १० हजार राशिको महाकवि लक्ष्मीप्रसाद देवकोटा सम्मान २०८० बाट अग्रज साहित्य सर्जक देवराज खरेल सम्मानित हुनुहुने छ ।