राज यात्री लम्साल । माेरङकाे सुन्दरहरैँचामा एकल गजल प्रवाह तथा शुभकामना आदनप्रदान कार्यक्रम सम्पन्न भएको छ । विराटचाेकमा आयाेजित टीका खड्का राष्ट्रप्रेमी एकल गजल प्रवाह कार्यक्रम सम्पन्न भएको हाे ।

गजलकार खड्काले आफ्ना सुन्दर गजलहरू दर्शक माझ सुनाएका थिए । प्रवासमा बसेर नेपाली कलासाहित्य क्षेत्रलाई अघि बढाउँदै आएका खड्काले आफू गजल लेखनमा अब्बल रहेको प्रमाणित गरे ।

यस कार्यक्रमको आयाेजना गर्नुको मुख्य उदेश्य नवसर्जकलाई हाैसला दिँदै साहित्य क्षेत्रकाे विकासमा नयाँ पुस्ताको आगमनमा हौसला थप्नु रहेकाे कार्यक्रम संयोजक तथा साहित्यकार छवि वैरागी घिमिरेले बताए । त्यस्तै, आफू अस्वस्थ भए पनि कला र साहित्य क्षेत्रलाई यस ठाउँमा अघि बढाउन एउटा गुठी तयार गर्ने उदेश्यसमेत रहेको वैरागीले बताए । ‘अहिलेको अवस्थामा साहित्यप्रति युवाहरूको झुकाव बढाउन सकिएन भने भोलिको अवस्था भयावह हुनेछ’, वैरागीले भने ।

कार्यक्रममा साहित्यलाई माया गर्ने सामाजिक व्यक्ति , साहित्यकार तथा विभिन्न क्याम्पसका प्राध्यापकहरूको उपस्थिति रहेको थियो ।

कार्यक्रममा झापा, माेरङ र सुनसरीका साहित्यकारहरूको बाक्लो उपस्थिति रहेकाे थियो ।