पाँचथर गजल मञ्चले हरेक वर्ष प्रदान गर्दै आएको ‘ऐतराज केरुङ स्मृति गजल पुरस्कार’ यो वर्ष झापा निवासी गजलकार लोकेन्द्र बन्जरालाई प्रदान गरिने भएको छ ।

एक प्रेस विज्ञप्ति जारी गर्दै पाँचथर गजल मञ्चका अध्यक्ष सन्देश सुब्बाले नगद रु. आठ हजार आठ सय अठासी नगद राशिको सो पुरस्कार बन्जरालाई प्रदान गर्न लागेको जानकारी दिएका हुन् ।

लामो समयदेखि गजल विधामा कलम चलाउँदै आएका गजलकार लोकेन्द्र बन्जराका ‘आँखाभरि सपना’, ‘जैतुन’ र ‘पलक’ गजलसङ्ग्रह प्रकाशित छन् ।

ऐतराज केरुङ स्मृति गजल पुरस्कार मोतिजयन्तीको अवसरका पाँचथरको फिदिममा भदौ २८ गते आयोजना हुने शब्द शृङ्खला–१३ मा प्रदान गरिने आयोजकले बताएको छ ।