‘दाहाल यज्ञनिधि पुरस्कार’ निनु चापागाईंलाई प्रदान गरिने भएको छ । रेडियो नेपालमा साहित्यिक कार्यक्रम सञ्चालन गरेर नाम कमाएका साहित्यकार यज्ञनिधि दाहालको नाममा स्थापित यो पुरस्कार चापागाईंलाई प्रदान गरिने भएको हो ।

यज्ञनिधि दाहालले आफूलाई ‘दाहाल यज्ञनिधि’का रुपमा चिनाएका थिए । उनले “जदौ” भनेर गर्ने अभिवादनले धेरैकाे मन जितेका थिए ।

आगामि साउन २५ गते एक कार्यक्रमको आयोजना गरी सो पुरस्कार समर्पण गरिने छ । उक्त अवसरमा “दाहाल यज्ञनिधि कृतित्व” विषयक अन्तर्क्रिया समेत गरिने छ ।

५० हजार राशिको यो पुरस्कार गत वर्ष महावीर पुनलाई प्रदान गरिएको थियो ।