नवप्रज्ञापन साहित्यिक पत्रिकाको १०० औं अङ्क प्रकाशनको अवसरमा एक कार्यक्रमको आयोजना गरी विमोचन गरियो ।

विशिष्ट अतिथि साहित्यकार तथा सांसद् रघुजी पन्त, प्रमुख अतिथि वरिष्ठ साहित्यिक पत्रकार रोचक घिमिरे तथा अतिथि साहित्यकारहरू मोहन दुवाल, हिरण्यकुमारी पाठक र वियोगी बुढाथोकी तथा सम्पादक नवराज रिजालले संयुक्त रूपमा विमोचन गरेका थिए ।

डा. शैलेन्दु प्रकाश नेपालले स्वागत मन्तव्य राखेको कार्यक्रममा अतिथिहरू रघुजी पन्त, रोचक घिमिरे, मोहन दुवाल र हिरण्यकुमारी पाठकले शुभकामना मन्तव्य दिएका थिए ।

कार्यक्रमको सञ्चालन यशु श्रेष्ठले गरेका थिए ।

१०० बढी लेखकका रचनाहरू समाविष्ट शताङ्कमा ५८० पृष्ठ रहेको छ ।