साहित्यकार तीर्थराज अधिकारीद्वारा रचित ‘सुसेली’ गीतको भिडियो सार्वजनिक भएको छ । सुगमसंगीतका लोकप्रिय सङ्गीतकार राजेश थापाको सङ्गीत र प्रवीण वेडवालको स्वरमा अधिकारीले उक्त गीति भिडियो सार्वजनिक गरेका हुन् ।

गीतकार अधिकारीको आफ्नै युट्युब च्यानलबाट सार्वजनिक भिडियोलाई पूजा ठकुरीले निर्देशन गरेकी हुन् भने विनोद बमले सम्पादन गरेका छन । चर्चित मोडलद्वय कमल सिंह तथा स्मारिका ढकालको अभिनय रहेको भिडियोमा दुई युवा-युवती बिचको प्रेमिल भाव सुन्दर ढङ्गले उतारिएको छ ।

मुक्त्तकमणिका रूपमा परिचित तीर्थराज अधिकारी साहित्यका बहुविधाहरूमा कलम चलाउने गर्दछन् । लामो सयम नेपालको उच्च पदस्थ कर्मचारीका रूपमा सेवा गरेका अधिकारी यतिखेर अमेरिकामा बसोवास गरिरहेका छन् ।