‘अरनिको अन्तर्राष्ट्रिय पुरस्कार २०२३’का लागि पुस्तक आव्हान गरिएको छ । पुरस्कारका लागि गैरआवासीय नेपाली लेखकहरूका वि.सं. २०७९ भित्र प्रकाशनमा आएका कृतिहरू आव्हान गरिएको हो ।

गैरआवासीय नेपाली सङ्घले नेपाली भाषा, साहित्य र संस्कृतिको अन्तर्राष्ट्रिय रूपमा जगेर्ना एवं प्रवर्धन गर्न तथा प्रवासमा रहेर नेपाली वाङ्मयका क्षेत्रमा क्रियाशील सर्जकहरूलाई उत्प्रेरणा दिँदै योगदानको कदर गर्न सन् २०२१ देखि प्रत्येक वर्ष यो पुरस्कार प्रदान गर्दै आएको छ । पुरस्कारको राशि २ लाख रूपियाँ रहेको छ ।