प्रत्येक दुई वर्षमा प्रदान गरिने ‘अनेसास श्याम कार्की तथा इन्दिरा कार्की सर्वोत्कृष्ट निबन्ध पुरस्कार’ निबन्धकार श्रीबाबु कार्कीको निबन्धसंग्रह ‘सन्दिग्ध शताब्दी’ले प्राप्त गरेको छ ।

श्याम कार्की तथा इन्दिरा कार्कीको नाममा अनेसासअन्तर्गत स्थापित यो पुरस्कार  ‘सन्दिग्ध शताब्दी’का लागि निबन्धकार श्रीबाबु कार्कीले प्राप्त गरेका हुन् ।

यो पुरस्कारको राशि १ हजार अमेरिकी डलर रहेको छ ।

पुरस्कारको वितरण आगामी लक्ष्मी जयन्तीका अवसरमा विशेष कार्यक्रमको आयोजना गरी प्रदान गरिने पुरस्कार घोषणाको क्रममा जनाइएको छ ।

पुरस्कृत कार्कीको निबन्धसङ्ग्रह साझा प्रकाशनले प्रकाशन गरेको हो ।

कार्की बालकथा, लघुकथा, कवितालगायत बहु-विधामा कलम चलाउँछन्।