सृजनशील बाल समूह, चिल्ड्रेन पार्क हेटाैँडाले २१०औँ भानु जयन्तीमा बाल कविता प्रतियोगिता सम्पन्न गरेको छ। समूहकी अध्यक्ष सदिच्छा उप्रेतीको सभाध्यक्षयता र कवि चेत प्रसाद पौडेलको प्रमुख आतिथ्यमा भएको थियो ।

पूर्व शिक्षक तथा कवि विष्णु प्रसाद गौतम र कवि किशन पौडेलले निर्णायकको भूमिका निर्वाह गर्नु भएको प्रतियोगितामा ७ जना प्रतियोगी मध्ये प्रसिद्धिका लामा प्रथम, प्रग्नेश घिमिरे द्वितीय र अनुश्री न्यौपानेले तृतीय स्थान प्राप्त गर्नु भएको थियो । ४ नं वडा बाल समूह सहजकर्ता अमिसा अधिकारी, चिल्ड्रेनपार्क टोल विकासका अध्यक्ष गणेश कुमार श्रेष्ठ, निर्णायक द्वय र प्रमुख अतिथिबाट मन्तव्य र कविता वाचन गर्नु भएको थियो। विजयी प्रथम, द्वितीय र तृतीयलाई कविताका पुस्तकले पुरस्कृत गरिएको थियो।

चिल्ड्रेनपार्क र चिसापानी टोल विकासको संयुक्त रूपमा गठित समूहले आगामी दिन अझ सशक्त कार्यक्रम गरिने जानकारी गणेशकुमार श्रेष्ठले दिनु भएको थियो। सचिव कृसा अर्यालले कार्यक्रम सञ्चालन र सदस्य प्रग्नेश घिमिरे स्वागत मन्तव्य र सभाध्यक्ष सदिच्छा घिमिरेले धन्यवाद ज्ञापन साथ सभा विसर्जन गर्नु भएको थियो ।चिसापानी टोल विकासका अध्यक्ष गङ्गा अर्याल,वाल संरक्षक द्वय सीता उप्रेती र नमिता न्यौपाने,चिल्ड्रेनपार्क टोल विकासकी सचिव सुशीला श्रेष्ठ, अभिभावक उर्मिला गुम्मि लगायत बाल समूहका सदस्य बालबालिकाहरूको उपस्थिति रहेको थियो ।