साहित्यकारद्वय कल्पना खरेल र भवानी पाण्डेलाई ‘शब्दयात्रा रणलक्ष्मी राष्ट्रिय प्रतिभा पुरस्कार’ प्रदान गरिने भएको छ । २०८० का लागि शब्दयात्रा प्रकाशनले यो पुरस्कार खरेल र पाण्डेलाई प्रदान गर्न लागेको हो ।

शब्दयात्रा प्रकाशनले खरेल र पाण्डेलाई संयुक्त रूपमा पुरस्कार समर्पण गर्ने छ । साहित्यकार अमर त्यागीले कोष व्यवस्थापन गरेको उक्त पुरस्कारमा ८–८ हजार रुपैयाँ, अभिवन्दनपत्र, शब्दयात्रा पट्ट र उपहार समर्पण गरिनेछ ।

पुरस्कार ग्रहण गर्न स्वीकृति दिएकोमा शब्दयात्रा प्रकाशन परिवार साहित्यकारद्वय कल्पना खरेल र भवानी पाण्डेप्रति हार्दिक आभार व्यक्त गरेको छ ।

साहित्यकार खरेलका उपन्यास, गीति सङ्ग्रह, गीति एल्वम र कथा सङ्ग्रह बजारमा आइसकेका छन् । खरेलका गीतिसंग्रह ‘क्षितिज पारीका शब्दहरू’, उपन्यास ‘समलिंगी सम्बन्धहरू’, कथासंग्रह ‘रागिनी’, गीति एल्वम ‘कामना’ लगायतका कृति प्रकाशित भइसकेका छन् ।

त्यस्तै, साहित्यकार भवानी पाण्डेका उपन्यास, निबन्ध, कथासङ्ग्रहलगायतका कृति प्रकाशित छन् ।