सञ्चारकर्मी सञ्चार सहकारी संस्था विराटनगरले चार जना पत्रकारलाई पुरस्कृत गरेको छ । सञ्चारकर्मी सहकारी संस्थाको बाह्रौँ स्थापना दिवसको अवसर पारेर बुधवार विराटनगरमा चार जना पत्रकारलाई पुरस्कृत गरेको हो ।

पुरस्कृत हुनेहरूमा वरिष्ठ पत्रकार तथा साहित्यकार प्रमोद प्रधान, नवराज कट्टेल, सन्तोष सिग्देल र रञ्जिता पोखरेल हुनुहुन्छ ।

प्रधानलाई ५१ हजार, कट्टेललाई ५० हजार, सिग्देललाई २१ हजार र पोखरेललाई १० हजार राशिको पुरस्कार प्रदान गरिएको छ । सोही अवसरमा पत्रकार मोहन भण्डारीलाई पनि सम्मान गरिएको छ । पुरस्कृत र सम्मानित भएका पत्रकारहरूलाई कार्यक्रमका प्रमुख अतिथि विराटनगर महानगरपालिका प्रमुख नागेश कोइराला,सञ्चारकर्मी सञ्चार सहकारीका अध्यक्ष दीपक दाहाल, पत्रकार महासंघ कोशी प्रदेशका अध्यक्ष लीलाबल्लभ घिमिरे र पुरस्कारका लागि अक्षय कोष स्थापना गर्ने परिवारका सदस्यहरूले नगद र सम्मानपत्र हस्तान्तरण गर्नुभएको थियो ।