नमस्ते आधुनिक लघुकथा मञ्चले वि.स. २०८० सालमा स्थापना गरेको ‘लघुकथालय पुरस्कार-२०८०’ डा. शेखरकुमार श्रेष्ठकृत लघुकथा कृति ‘बोकाको खुसी’लाई दिइने भएको छ ।

संस्थाले पुरस्कार प्रयोजनका लागि वि. सं.२०७९ मा प्रकाशित लघुकथा कृतिहरू आह्वान गरेको थियो, जसमा ५ लघुकथा कृतिका पिडिएफ फाइलहरू मेलमा प्राप्त भएका थिए । “लघुकथालय पुरस्कार” प्रयोजनका लागि इमेलमा प्राप्त ५ लघुकथा पुस्तकहरूको पिडिएफ फाइललाई निर्णायक समितिले अध्ययन गरी यस वर्षको “लघुकथालय पुरस्कार”का लागि उत्कृष्ट लघुकथा कृति ‘बोकाको खुसी’ लाई छनोट गरेको हो ।