भक्तपुर / चाँगुनारायण साहित्य समाजकाे नियमित साहित्यिक कार्यक्रम २६ ओैं शृङ्खला सिर्जना वाचन सहित सम्पन्न भएकाे छ ।

कार्यक्रममा सर्जकहरूले कविता,गजल, सुसेलीबाट मुलुकमा व्याप्त राजनीति विकृतिमाथि प्रहार गरेका थिए । कार्यक्रमका प्रमुख अतिथि डा. इन्दुल के.सी.ले भारतले अखण्ड भारत नक्सामा नेपालकाे भूभाग समेटेकाले अब नेपालका दल नेता र शासक सचेत हुनुपर्ने र सर्जकहरूले पनि राष्ट्र र राष्ट्रियताका सवालमा सिर्जनाबाटै खबरदारी गर्नु पर्ने आवश्यकता ओैंल्याउनुभयो ।

कार्यक्रममा कवि राममणि ढुंगेल,दुर्गा अधिकारी भमरकाेटे, जितेन्द्र रसिक, कविराज घिमिरे, जुनु घिमिरे, श्याम आशा लगायत ३० कविले रचना वाचन गर्नुभएको थियो ।

भक्तपुरकाे ओैद्याेगिक क्षेत्र व्यवस्थापन लिमिटेडकाे हलमा भएकाे उक्त कार्यक्रममा समाजका अध्यक्ष लालबहादुर भुजेलले भक्तपुरमा साहित्यिक वाचनकाे थलाेका रूपमा समाजले काम गर्दै आउनु भएकाे बताउनु भयाे । आगामी दिनमा नयाँ प्रतिभालाई स्थान र पुराना सर्जकलाई सम्मानका रूपमा समाजले भक्तपुरका विभिन्न क्षेत्रमा घुमन्ते शृङ्खलाका रूपमा कार्यक्रम आयाेजना गरी साहित्यिक अभियान सञ्चालन गर्ने बताउनु भयाे ।

पछिल्लाे समय भक्तपुरमा नियमित रूपमा साहित्यिक गतिविधि गर्दै आएकाे छ ।