गत जेठ ६ गते लघुकथा चौतारीमा तेस्रो भेटघाट तथा लघुकथा वाचन कार्यक्रम सम्पन्न भयो ।

सिद्धस्थल मृगस्थली, पशुपतिनाथ क्षेत्रमा सम्पन्न सो कार्यक्रमको योगप्रसाद उपाध्याय चपागाईंको अध्यक्षतामा सम्पन्न भएको थियो ।

मधुसूदन घिमिरे प्रमुख अतिथि रहनु भएको सो कार्यक्रममा अञ्जु शर्माले कार्यक्रम सञ्चालन गर्नु भएको थियो ।

अन्जु शर्माद्वारा रचित लघुकथा ‘स्वागत’ मन्दिरा चापागाईंले वाचन गरी शुरूवात गरिएको सो कार्यक्रममा मन्दिरा चापागाईंले आफ्नो लघुकथा ‘महत्व’ र सुरेन्द्रलाल भुजुको ‘गह्रौँ वस्तु’ वाचन गर्नु भएको थियो । यस्तै सुनिता निरौलाले आफ्ना दुई लघुकथा ‘सम्मान’ र ‘जीवनदान’ वाचन गर्नुभएको थियो।

यसैगरी निर्मला बरालले ‘सालिक’ र अन्जु शर्माले ‘चिनेको मान्छे’, मधुसुदन घिमिरेले ‘पत्नी’ शीर्षकका लघुकथा वाचन गर्नु भएको थियो ।

लघुकथा सौन्दर्यका एड्मिन एवं संचारकर्मी श्रीराम राईले शुभकामना मन्तव्य राख्नु भएको सो कार्यक्रममा इन्दिरा चापागाईंले वाचित लघुकथाहरूको भाव विश्लेषण साथै समग्र कार्यक्रमको समीक्षा गर्नु भएको थियो।