काठमाडौ / ‘काठमाडौँ-कलिङ्ग साहित्य महोत्सव’ले २०८० देखि १५ विधामा १५ लेखकलाई नेपाल यशश्वी पुस्तक पुरस्कार प्रदान गर्ने भएको छ।

नेपाल यशस्वी पुस्तक पुरस्कार १५ विधामा १५ लेखकहरूमध्ये आख्यान र गैर-आख्यान पुस्तक, कविता, अनुवाद पुस्तक, व्यापार र रणनीतिक मामिलासम्बन्धी पुस्तक, वातावरणीय पुस्तक, जीवनी र आत्मकथा पुस्तक, बालपुस्तक, खेलकुद, जीवनशैली र उदीयमान प्रवृत्तिका पुस्तकलगायत विभिन्न विधामा अवार्ड प्रदान गरिने छ ।
काठमाडौं-केएलफ द्वारा स्थापित नेपाल यशश्वी बुक अवार्डले स्थापित र नयाँ लेखक दुवै विधाका साहित्यिक प्रतिभाहरूलाई राष्ट्रिय, विश्वव्यापी र सार्वजनिक क्षेत्रमा बहस र सकारात्मक संदेशमा योगदान पुर्याउन तथा थप विचारशील, चिन्तनशील, अद्वितीय र प्रेरणादायक योगदानहरूलाई प्रोत्साहित गर्नु रहेको छ ।

प्रकाशकहरू, लेखकहरूद्वारा पेश गरिएका पुस्तकहरूबाट उत्कृष्ट पुस्तकहरू चयन गरिने छ । विजेताहरूलाई काठमाडौं–कलिङ साहित्य महोत्सवमा सम्मान र पुरस्कृत गरिने छ ।

नेपाल यशश्वी पुस्तक पुरस्कार स्वतन्त्र निर्णायक मण्डलको सिफारिसका आधारमा प्रदान गरिनेछ। पुरस्कारमा पुरस्कार, ट्रफी र पुरस्कार विजेता पुस्तकहरूमा प्रदर्शनको लागि विशेष डिजाइन गरिएको उद्धरण समावेश हुनेछ ।

“नेपाल यशस्वी बुक अवार्डका निर्णायक सदस्यहरूले वर्षभरि प्रकाशित विभिन्न विधामा उत्कृष्ट पुस्तकहरूबाट छनौट गर्ने छन् । पुरस्कारको उद्देश्य काठमाडौं–कलिङ्ग साहित्य महोत्सवमा हुने बौद्धिक छलफललाई समृद्ध बनाउनका लागि लेखक तथा विद्वान समीक्षकहरूद्वारा यी पुस्तकहरूमा समर्पित सत्रहरू पनि राखिनेछन्,” काठमाडौं–कलिङ्ग साहित्य महोत्सवकी संस्थापक तथा निर्देशक, यशस्वी साहित्य प्रतिष्ठानकी अध्यक्ष रञ्जना निरौलाद्वारा जारी विज्ञप्तिमा जनाइएको छ।

पुरस्कारका बारेमा थप जानकारी: टेलिफोन नं. १५३४००६०-+977 98४१४१०५२८ प्रकाशकहरूले आफ्ना मनोनित पुस्तकहरूको हार्ड प्रतिलिपि ज्ञानज्योति पुस्तक पसल अद्वैतमार्ग, बागबजार) र सफ्ट प्रतिलिपि इमेल आइडीमा पठाउन सक्नुहुन्छ : DirectorKathmanduKLF@kalingaliteraryfestival.com

आउँदो भदौ १५, १६, र १७ मा वार्षिक रुपमा सम्पन्न हुने काठमाण्डौ-कलिंग साहित्य महोत्सव (काठमाडौं- केएलफ) मा अन्तर्राष्ट्रिय र राष्ट्रिय लेखकहरूले वार्तालापहरू, कार्यशालाहरू, बहसहरू, छलफलहरू, प्रत्यक्ष वार्ताहरू, र अन्य विषयमा भाग लिनेछन्। महोत्सवले ६० भन्दा बढी सत्रहरू आयोजना गर्नेछ।

महोत्सवको आयोजना यशस्वी प्रज्ञा प्रतिष्ठान, हिमालयन डायरी प्रालि, नेपाल र भारतको कलिङ्ग साहित्य महोत्सवले गरेको हो । कलिङ साहित्य महोत्सव (KLF) भारतबाट विश्वको अग्रणी साहित्यिक महोत्सवहरू मध्ये एक हो जसका संसथापक रश्मि रंजन परिडा हुन् ।
२०७९ देखि काठमाडौँमा ‘काठमाडौँ -कलिंग साहित्य महोत्सव सुरु भएको हो । दुईदिने काठमाडौं–कलिङ्ग साहित्य महोत्सवमा दुईसय पचास भन्दा बढी कवि, साहित्यकार, कलाकार, पत्रकार सहित वक्ताको रूपमा महोत्सवमा सामेल भएका थिए ।

यशस्वी सहित्य सम्मान गतवर्ष सम्पन्न ‘काठमाडौँ कलिंग साहित्य महोत्सवमा शताब्दी पुरुष सत्यमोहन जोशी तथा भारतका प्रसिद्ध लेखक अशोक वाजपेयीलाई प्रदान गरिएको थियो।