साहित्यकार तथा समाजसेवी राम लामा अविनाशी भारतमा पुरस्कृत हुनुभएको छ ।

अमेरिकाको क्यालिफोर्निया निवासी लामालाई सामाजिक क्षेत्रमा पु-याएको योगदानको कदर गर्दै भारतको कोलकातामा भारतका पूर्व राष्ट्रपति एपिजे अब्दुल कलामको नाममा स्थापित अन्तराष्ट्रिय पुरस्कार प्रदान गरिएको हो ।

साहित्यिक लेखनका साथै स्रष्टा लामा व्यवसाय तथा सामाजिक सेवाका विविध कार्यमा पनि सक्रिय हुनुहुन्छ ।

उहाँले २५ सय अमेरिकी डलरको साहित्यिक पुरस्कार स्थापना गर्नुका साथै लसएन्जलसमा निर्माण गरिएको भगवान् बुद्ध र पशुपति मन्दिरका लागि ७० हजार अमेरिकी डलर सहयोग गर्नुभएको थियो ।

स्रष्टा लामाका पिल्सिएको परदेशीमन र सुगन्धित माटो लगायतका कृति प्रकाशित छन् ।